حد عايز ثواب
.....فرصه.......
.......................
الدنيا ناشفه
والنواشف نشفونا
جبنه بيضا
وكل واحد م العيال
واكل زتونه
..
الغلا كسر ضلوعنا
بالامانه احنا جوعنا
نفسنا نشمر دراعنا
والإدام يوصل لكوعنا
وإن غرقنا ف صحن شوربه
بصدر فرخه تطلعونا
..
اعزمونا بنفس راضيه
والحقونا
ريقنا ناشف
والجيوب
والبطن فاضيه
انجدونا
والنفس تهفو
للمشاوى
ولحمه حمرا
إرحمونا
الشهر قرب ينقضى
هتخسرونا
..
دعوه خالصه للثواب
اكسبوه... واكسبونا
..
رمضان بيفتح اي باب
يعزمنا واحد محترم
فين المشاوى والكباب
فين البزخ فين الكرم
زهقنا م اللوم والعتاب
يارب اشوفكم
ف الحرم
اكسبوا فينا الثواب
اكسبوه...واكسبونا
..
واعزمونا
وفطرونا
وسحرونا
بالدهون لغمطونا
وفى اللحوم غرقونا
وبالطيور اتحفونا
وبالمحاشى جننونا
وفى المشاوى اطلقونا
وف الرز ابقو ادفسونا
واوعو تنسو تطلعونا
وفى العكاوى دوخونا
وبالكوارع شحطاطونا
طلعونا ونزلونا
وبالمحمر ظبطونا
وفى المشمر اعذقونا
وبالطواجن اغمزونا
وان شبعنا زودونا
وان تعبنا ابقو انقذونا
واكلونا اكلونا
رمضان بيجرى اعزمونا
محمد وحيد
ليست هناك تعليقات:
إرسال تعليق