( تعرف. ) ٦٨
تعرف تمسك خيوط الفجر وتجيبه!!!
والصبح تستعجله وتشد تلابيبه!!!
تمحي غيام الغدر وتسبه و تعيبه !!!
اه لو تجيب بسمه ترسمها
ولو بعدل تجيبها تقسمها
اه لو تمحي العبس من وشه
ترقع لضحكه. وتعلي فوق.
تقولها بشهامه بجد تحسمها
اوعدني...بنسيمها. لحسن قاتلني الشوق
هو انت يدوب ساكن ف خلجاتك
رعب ساكنك... راكنك بره خلجاتك
طب يوم مماتك... مين هايرفع صوت
ولاصوتك مات... من قبل هاماتك
حاول تعيش لو مره بحقيقي
حاول تشاور ع الحق لو مره ياصديقي
طواحين ف الهوي دايخه واهي بتلف
طب لف عكس عكاس لو مره ياشقيقي
مخلوق معادي لنفسك... وليه بقي معادي
كاره لكل الصفات... أكره شرور عادي
بس الغريبه قولت... ميت مره ليها امين
ورا كام حكايه شمال ..مفهاش لسنه يمين
رغم أن جوا انين ... بس انت متراضي
لوسهل كدب بلاش... ابعد بعيد عنه
هتبقي ليه سلاوه... وما تسلم من زنه
تمن الحقيقه غالي ... بس والله رخيص
حارب لكدبك... وابعد بعيد سنه
غاوي تكوي بالنار... بتحارب الجنه...
هاوي تروح للريبه ...وكاره الحنه
ليه بس راضي وماضي...ع ورق تزييف
ماشي بأفاك ومسلم... مهرول ودون تأييف
اطبخ ياشيف كدبتك
و زوقها بالتحريف
لو التمن مجهول... ابعد بدون تعريف
يابن الاصول ماتحل... ليه تطل ع الشينه
هو انت غاوي الغرز ...ف الروبه والطينه
توب الرجوله ياواد ...تاج وعليك زينه
وان هبت العاصفه... روح شوفلها واصفه
وادعي يارب يحوش...م ريح جايه عاصفه
وترسي يوم مركبك... ع شط او مينا
يمكن تقابل امل... يشفي الضلوع والصدر
ترجع تقابل حياه... و تمسك خيوط الفجر
وانده باعلي صوت
فينك ياعم البدر
وحاول!!!
ليست هناك تعليقات:
إرسال تعليق