( حوش المدرسه ) ٦٠
وكان ف حوش المدرسه
صحبه راضيه كويسه
و شنطه متينه قماش
واماني سايقه وريسه
وبسمه من صبح لمسا
وقرش صاغ هو المعاش
وطعميه ف حضن رغيف
وعم عبده بركه ما شيف
والحصيره كانت فراش
والحياه كانت بسيطه
ضل شجره اولحيطه
ساعه فرحه وحبه زيطه
و ال جاب شوكولاته يبقي
..واد فارق شارد وطاش
و مريلة وكراسه وقلم
وطابور وبنحي العلم
.وتحيا مصر الف مره
امي تدوم ام الأمم
وعاش علمنا عالي عاش
والحصه الاولي حساب
والتانيه كانت علوم
والكل حاضر للكتاب
وصحصح ومفيش لنوم
وخلي بالك م السؤال
هايجيلك وقت اللزوم
والأستاذ واقف بيشرح
عمره ماللمعلومه حاش
والأحلام.ساكنه ف شنطه
وجنبها يجي كام كتاب
تبقي خيبه وتبقي ورطه
لو امل العيلة خاب
امي تندهلي يا دكتور
وابويا قال الواد مهندس
وجدي يقول ده ضابط
وستي قولها الواد مدرس
واهو يساعدنا ع المعاش
وانا طاير ف الامنيات
اصحي بيها وفيها آبات
وأستاذي يقولي شاطر
كان دليل وكات آيات
مستعجل السنين تخلص
واذاكر بجد وثبات
وحلم بعربيه ف جراش
وجرس بيرن لحصه
وحكايتي خلصت وقصه
شعرسايح وواد بقصه
كاتب ف سطري امنيات
واجري اركب المراجيح
واتنطط واسوق عجلات
وادعي ربي وكون وفصيح
ان اعيش سعيد ف تبات
وحوش مدرستي بيساعي
حاضن فرحه.مع ضحكات
والضحكه كانت ببلاش
وأستاذي كان مثل اعلي
وأجيال له فيها علامات
ياما علم كتير قبلي
ومربي وليه بصمات
وكات عيشه كتير سكر
وطول العمر بتذكر
كانت دنيا غير الدنيا
مع أن كان ناقصها حاجات!!!
وكات دنيا
ليست هناك تعليقات:
إرسال تعليق