ارابيسك!!! ٧٣
سوف تلهو بنا الحياه!!!
واهي لهوت وشبعت لهو
ونسينا نفسنا بالسهو
وكدب وزيف وبرد وصيف
وكام طباخ يجيد الطهو
وياخساره
هل راي الحب سكاري!!!
اه وشفنا كتير منهم
وشقو وخرجو من دينهم
وشفنا كتير بيترنح
وشارب غلب ومتنح
وكان يوم ف وسط الناس
ملو هدومه بيزينهم
وبيغني
أكاد اشك فيك وانت مني!!!
و توهت معاك وخاب ظني
وفاكرك انس مش جني
بتتلون يجي ميت لون
وخيالك راح بعيد عني
وحلمي راح سكن الفضاء
وياحبيبي كل شئ بقضاء!!!
ومللنا اصوت العواء
وكلنا ف الهم سواء
وصمتت حروف الشهامه
وهابت م تصدي البلاء
وكرهنا الجهاد و الشهاده
وعشقنا الخلود والبقاء
وشدونا بحناجر تطاطي
. هذه ليلتي وحلم حياتي!!!
رغم دموعي.ورغم واهاتي
رغم غيام كل الحاضر
والمجهول ساكن ف الآتي
بس بشوف لامل بيطل
بطل وشهيد وليه تحياتي
لابد. ديب بكام حيله
يجي م.. الف ليلة وليله
وحسره لعزوه كات عيله
وكام يد تحن و هيله
وكات تشجينا زمان أغنية
أصبح عندي الان بندقية!!!
وضاع الامان..
ولسه فاكر كان زمان....!!!
ليست هناك تعليقات:
إرسال تعليق