الفاروق!!! ٦٩
قرب بقي وتعالي. طالت الغيبه يافاروق
مد الخطاوي هات فجر ساحب لشروق
سايس حصانك واجري. وشق لفجاري
طالت الليالي. ومن دمعتي محروق
غربان نعيق كدبها. عالي بيسري ببوق
امنيه يوم اسمع. خبطك ع بابي
تهمس وصلك قولي. والشكوي ف جوابي
تمسح خطوط معوجه. ف جبيني بتعلم
لا قادر اتكلم. ولا قادر انا احابي
طب بس قرب شوف. ايه وصلناله
حانه وسكرنا الهم .صابنا وميلناله
ناب غارز ف الجتت. والكل طال ناله
كل ال كاتبه ليك. ده سطر من حالنا
ده غرزنا ووحلنا .وزمانا قولناله
شهل بقي يافروق
.ليه طالت الغيبه!!!
تاه الدفا بينا . وهربت الطيبه
مات الحيا مننا . وعاشت العيبه
طيفك هايستغرب. ويقول حاجه عجيبه
كوهين طغي وصابنا .م القهر ميت خيبه
شد لجام فرصك . حود ع دارنا
وهات معاك لعزيمه . تعلي مقدارنا
وتمحي كل السوووووق.....
قرب بقي يافاروق!!!
اوزن ما بينا النفس . وبالعيار عاير
وانصر ال اتظلم . ورد للجاير
واستر ع الأمه .زين لها ضفاير
انا دمي فاير .وغاير . امانه ماتعوق
صايم وطال الزمن . ولفرحه متشوق
بيلومني كل الخلق. سبت لحالنا يسوء
واللوم بقا ليا . وبقيت انا المحقوق
ازاي ناسي من زمن . تنده تقول يافاروق
قوم وناجي العدل.اترجي لو مخنوق
ناديت وقولت يارب
ورفعت يدي. لفوووووووق. لفوووووق. لفووووق
يارب ...
ليست هناك تعليقات:
إرسال تعليق