آه.. ياحرفي!!! ٦٥
نفسي مره. حرفي يفرح
نفسي مره. حرفي يسعد
يلقي قلب. الضحكه مطرح
يبقي مرزق. يبقي مسعد
نفسي بسمه. لقلبي تشرح
ولاضحكه. تيجي طايشه
تنسي ان. عني حايشه
حالفه ان. ببسمه اسعد
كل مره. حرفي يضحك
القي عينه. تجيب دموع
يمسح. ويخبيها عني
وانا اصهين. وبقي طوع
واللسان عن قوله يخرس
يدعي ويترجي بشموع
فجره يطلع او يهدي
ع الجبين يطبطب يندي
بس يوعدني انه جي
يبعد عن حزنه و يسرح
بس يضحك ولو يجوع
والقي حرفي رابط لوسطه
ينسي نكده. وكتر حوسته
طب ياحرفي يارب تسعد
وتنسي هم ف يوم ورثته
صعبان عليا ..وآه ياحرفي.
طبطبت ع سطره وبوسته
وقفلت تاني. للدوايا
انت ليه. معاند معايا
قولتله تاني مش اكتب
ولا اعدك. ولا احسب
اسلك اخلص. للنوايا
قالي انت مش حاسس آلامي
والمرار ال. ف كلامي
مهما سميت. الاسامي
المرار ساكن ف حلقي
بس اوعدك...اني افرح
لما شمس . نهاري تمحي
لما تبقي. القوله قولتي
فرحه تسكن. ف ملامحي
وبهجه تسكن. كل مطرح
ساعتها. هاتحزم واسرح
وده وعد.... مني بس افرح
وابقي شوف!!!
ليست هناك تعليقات:
إرسال تعليق