( استند باي. ) ٦٧
استند باي
......اكشن
والمشهد...فوق تله عاليه
فيلم اكشن فيه طخ طوخ
والمخرج. عمال يهاتي
والبطل كان جوا كوخ
يطلع. يركب للحصان
وهو كان مهزوز يدوخ
والحصان. بتلاته يعرج
جاله رجه. ف النفوخ
والحبيبه.. صايبها حسره
والكاميرا جايبه الملامح
واقفه مستنيه نصره
من بطل وحصانه جامح
والبطل غرقان ف عرقه
ورعب ساكن مش مسامح
والمخرج من غلبه لامح
المشهد رايح يبوخ
وقال. لقط...
الحصان. جاله الطبيب
يفحصه. ويشوفه ماله
هو ليه. ف الجد يعرج
ولا ايه بس. ال طاله
والبطل. جبوله بصله
لجل يصلب بس حاله
سندوه. لو دقيقه
حفظوا. لل يقوله
وكاميرااااااا ويلا دور
الاضاءه اطفي ونور
خلي وشه ف الضلام
اخفي خيبه ف ملامحه
يخرس ويمنع للكلام
مين ده جابوا. الله يسامحو
خلصونا ....والسلام
قول ياعم ...انا شايفك
بس حرك. لشفايفك
دوبلاج. مونتاج
..هاتولي صوت ولد بطل
صوته رعد يكون اجش
ملو هدومه وملامحه
واد بطل ومش مفش
عالي صوته ونبرته.
لما نسمع بس صوته
ندعي للقرن ال طش
.والحبيبه .....
خلوها تبكي. وتناديه
تنده عليه ..ارفع لسيفك لوخشب
وخد بيدي وأفرد لطولك م الاتب
قربت ابقي من السبا ومفيش عتب
وكلاكيت وكام مره عد
والمخرج مستني لرد..
والبطل..
زاغت عنيه خرب عطل
ايه جرا
صابه جنان ولا انهطل
فوقوه....وخلصونا..
.مين ده جابوا تحروسونا
والمخرج بينادي قط
..والحصان م التله نط
والبطل متهول. مدهول
م الذهول ع الارض بط
والمنتج ... يلطم خدوده
الخراب ع راسه حط
وللبطل يصرخ...يعلم
تحت منه الف خط
فرككككككككااااااااااش
وكلاكيت
اول مره وآخر مره!!!
ليست هناك تعليقات:
إرسال تعليق