...وطيب!!! ٥٧
وآه يازمن!
ادوش المداويش بدوشتنا
عشان هما مايدوشناش
واروش المروايش بروشتنا
عشان برضوا مايروشناش
واكتب للهموم كلمه
حوش عنها الدوي والشاش
ارسم ف الهوا املك
ومين يسأل قول راح ولاجاش
ولا عب الاعيب لعبه
ولعيبك يكون بكاش
احبس الأنفاس جواهم
وافتحها لكام حشاش
وكام مربوط وسيب سايب
والعايب...مسكه للكاش
وغريق ف بحر ظلماته
نقول اصل شوفه طشاش
وابوا ضميره خليه لغيره
يقوله انا... روحت بلاش
ويجري يلف للساقيه
ملازمه الفقر ماتنحاش
يروح رايح لأبو فضايح
يقولو... تحياتي وعاش
وأمسح العلام م الورق
وابو علامو طلعه النتاش
وهزت ولنفسها ماعزت
وبنلومها ليه نظرها انحاش
دهب وكنوز لهليبه ولعيبه
عيشه بس بلاش
وع خط الحلال خطي
لكن وطي ومتعطلهاش
ياناس ارحموا عقلي
غرقت غطست ف مشاكلي
مكسوف وهربت من شكلي
وراح فكري وهيس طاش
وسبت البيت وتاه مني
وبقي مكاني العادي الانعاش
دوشتو الدوشه بدوشتكم
ارحمونا وماتدوشناش
حد شافني?
انا مش لاقيني!!!
ليست هناك تعليقات:
إرسال تعليق