( كتكتوت. )٧١
كام كرباج ع كام نبوت
كله اتلم وقروا الفاتحه
يتلسوع ضهر الكتكوت
والكتكوت عمال بيصاصي
قطموا لوسطي وجعم راسي
مرار المر شربته في كاسي
صابني الرعب بلون الموت
عين العقل بتقول حاسب
خرسي اتخض وبح الصوت
قالي طب انجح ماتكون راسب
اهجر بركه ساكنها الحوت
فتش ارض الله عن واحه
قلب تلقي قلوب فواحه
زارعه الصدق بكام فدان
طارحه عيدان.
يمكن تلقي لشجره تضل
تصون السر ومش هاتقل
تبقي ف ضهرك وقت الشده
نسمه تهفهف وقت الراحه
خبط طوب الارض وشوط
ابعد لو قولك بشروط
اطلع فوق لو اعلي التبه
وفين الغيمه. راحه وصابه
فين أراضيها وفين راح ترسي
ومين م الخلق حاببها وحبه
ومين بيخافها كأنها سبه
ومين عمران قلبه بسماحه
ماتروح تنكش ارض جديده
دب وامشي مسافه بعيده
يخضر زرعك وهايتربي
هات الفرح واقطف حته
ثبت فكره لو كات شته
واصرخ قول.
انا مش كتكووووووت!!!
ليست هناك تعليقات:
إرسال تعليق