توهه!!! ٦٣
القدوه تاهت ولونا باهت
وعمينا ف الزحمه
ياخلق هوووا ماتوحدوااا
ليه غابت الرحمه
القدوه بيكا ومعاه كاريكا..
زادوا الحريق فحمه
حلم فاشوش بيشوف شاكوش
هو بقي القدوه
دكتور مهندس يجري يبرجس
وف جزمته حدوه
راحوا الشباب وزمنا عاب
عالي وصبح واطي
بقي كل حلمه يكسر لقلمه
وللقرش بيطاطي
رقاص بوسطه وحوسه حوسته
فنان وليه ندوه
غارو الشباب والكل خاب
وصابه ميت عدوي
وشاب صايغ فاشل وضايع
راكب لمرشيدس
وهو ماشي عمال يخبط
عرقه يدوب غدوه
والواد يدمع وبكاه مسمع
ومين بقي يسمع
ماهو شاف مصدي وهو معدي
بقي كاوي و ملمع
تاجر حشيش مكتوب ف فيش
خطر ع مسجل
ياكل ف نفسه والاهر كسفه
وابليس بقي مطمع
راحوا الولاد ف سكك بعاد
وان راح مايرجعش
طموحه ساقه والفكر سائه
معوج بقي مخنع
اصحي ياولدي بلدك وبلدي
اجري وروح صنع
والقول فصيح وبدون مديح
امسك لجامك امنع
ف كام لسان راكب حصان
وباالحلال شنع
اصحي ياولدي...!!!!!!!
ليست هناك تعليقات:
إرسال تعليق