القرده...!!! ٧٢
يلا... نحاكم للضحيه
ليه مامتش من زمان!!!
موته واعمله قضيه
صامد.ليه ولاباع ولاخان!!!
وأسأله ليه ما بعت ارضك؟
ماكنت تروح وتعيش بأمان
وليه بتهون الروح فدي عرضك؟
قوله ده يبقي اكيد ده جنان
وليه اخترت .تبقي شهيد؟
لسه كابش رمل ف كفك
ساقي شهاده .لكل وليد
اسألوا ليه..شهم و راجل!
حاكمه وقول انه ارهابي
كل شويه... خبر مع عاجل
وانه كان ع أرضه يحابي
واكتب انه ماسمع لكلامنا
ولأوامرنا مكنش ايجابي
شوه صورته. ف كل محافل
قول ع جيشنا وحوش وجحافل
غفل ..فرصه..
. الكل اهو غافل
ارسم نجمه.. داود بدماهم
واوعاك ... تنسي للخطين
واحذر انك... تنسي النقطه
تبقي سواد ..تتقري حطين
يلا ... بسرعه اكتب زور
عارف انك مدلس...سافل
فرصه...
كل العالم ... غمض عينه.
حتي ودانه ساددها وقافل
رمل نسائهم عليهم دوس
خلي المدفع يدب كابوس
افرم واقطع. كل الروس
يتم لكل طفل برئ
غطس.. فطس.. خليه غريق
ف قهره ويتمه وموته كمان
يمكن مره نحس أمان
اكدب قول. ان احنا الواحه
وكل العالم علينا اشار
خلي الكدب كانه صراحه
واحنا شعب الله المختار
احنا القاتل...
واحنا ... نحاكم للمقتول!!!
واحنا البعبع واحنا الغول
واحنا لما نقول.. ونشير
تلقي العالم ... كله بينعق
كله مايبطل... لنعير
ويلا نحاكم.....
ليست هناك تعليقات:
إرسال تعليق