الوشق كداب/الشاعر محمد وحيد مجلة روائع الشعر والنثر وفرسان الحرف

 الوشق.....كداب

..............

مش بيمثلنا إبن المجنونه 

ولا يفهم فن التمثيل

وده عيل لسه في سنه اولى

وهربان مستنى الترحيل 

متبرمج مدسوس باجنده

صايع متجسس وعميل

واحلف لك بشبين وسماها 

وزفتى وطنطا يا محلاها

الواد متمرن ع النطه

يعمل قرد 

..

يعدى الحيطه

..

يخش بغلطه

..

من فوقها

او من تحتيها

..

ويعمل قطه

..

يعُض الشب

..

يخربشو فيها 

..

يجبله ظغطه

..

وتصبح قصه 

الناس تحكيها

وإحنا طبعاً ملناش فيها

كل شجاعه وليها اهاليها

ولا لينا فى شغل الهلاهوطه

..

ده قُط من الاول مشبوه

ومتقوى بأمه على أبوه

ومزعل كل إللى جابوه

وبيكفر السح امبوه 

واعترف لما اتزنق

بكل إللى الناس نسيوه

من اول كشك اتحرق

ايام الترابتوه

عرفناه من ريحة العرق

والساعه والتاتوه

شب فى شُبرا ونشاء 

وكان اسمه صبحى ابو شق

اتحرف اسمه المعتوه

من ابو شق لصبحى الوشق

كشفنا عنه اتحرينا

وعرفنا الناس إللى ازاها 

وادله مسكناها بادينا

عضو فى الشبكه إياها 

مهي قالبه الدنيا وخرباها

أما احنا بينا اتفاقيه 

وبنودها 100على100

وهنبلغ عم البشريه

دى حوادث فرديه انساها

محمد وحيد