دوميات!٢٢٣
كل الخلايق شقايق
كل الكيعان شاربين
وكل الطيور بتهاتي
الجرن سكنه انين
نشف الثمر ع الشجر
بار التراب و الطين
كله بيسأل كله!
مين السبب كده مين؟
تعجب! مع استفهام؟
وبتكتب الجرانين
طار الحمام في السما
حس ان ضاقت بيه
زعق قليبه الصغير
امله مين يداوية
يعطف بجرعه حنان
او بالأمل يهادية
ياخد بيده يوده
م العثره ويعديه
زعق الولد يابلد
البوصله ليه محووده
الشمس غابت ليه
حاسس انا بروده
كل الحاجات بالغصب
وحاسبها انا جوده
غاب القمر م السما
انفضت الحواديت
صاب العيون العما
ولسان خرس بحديت
مفيش كلام ف الجد
لكن سامع ف الهد
قول يجي...مليون كيت
تيييييييت!!
