الخنازير!!! ٢٣١
مراعي الكدب مليانه
وبتبرجس فيها الخنازير
وكل الكدب ليهم جايز
والصدق من المحاذير
تبات تعوي كلاب وتقول
نباح يدي كده ع غول
لغارتيمات تقول فوازير
وحريفه ف تبريرهم
دهب لفينه ف حريرهم
اهل الزور مفيش غيرهم
وعيد منهم بدوس جنازير
مفيش لقمه تسد الجوع
مفيش قطره ولا ينبوع
لا دين باين ولامله
لشمويل ولاحتي يسوع
ولاميه ف بطن الزير
معاول القتل ف ضماير
ومغروسه ف كام نحيا
ده خلق غلبوا موسي
وبداية القتل كان يحي
ومراعي وفيها ميت راعي
وميت بصاص ع دراعي
وميت حارس عامل فارس
وكام خنزير وليه ساعي
و نار. ودمار
وكارثه مفرعه كوارث
مفيش بنطه امل ف التوب
جحا راح يشتكي لأيوب
لبس توبه طلع مقلوب
وعايز بنطه لو قصدير
وتاه عنه وغاب مارس
مفيش كيس م العلف باقي
تعب قولي و مش لاقي
وطعم سكري علقم
وصبري سندي ترياقي
وغايب م الأفق فارس
صبحت بعيد بقيت نائي
بقيت دمعه ف كام موال
باقي مني الكرامه تلال
حافظها ف حضن اشلائى
سألني جوعي وعطشي
مفيش حاتم!
مفيش طائى؟
جريت قلبت اوراقي
وبقي حلم ان اعيش كائن
وامنيه من الأساطير
غلب غلبي من التفاسير
ليهم هما. غفور ورحيم
ولينا احنا مفيش معاذير
وكابس ظلمنا وتارس
وحلمي ما تاااااه
زعق. حبيبتي ياغزه
ومليون آااااااااه
لكن باقي اليقين موجود
..........ولينا الله!
ليست هناك تعليقات:
إرسال تعليق