حواديت!! ٢٣٠
وبغزل بالخيوط مكتوب
وبتسابق مع ايوب
وباب خلفي عليه سلم
وسهم بيشاورلي هروب
وعز الضلمه ماهي حالكة
ومقفوله ومش سالكة
مفيش للحظ من مالكه
روحت البس لتوب شيبوب
ماسك قوسي معاه رمحي
اسد راسمه ع ملامحي
وبعافر هنا وهناك
علي بكره ولو يمحي
خطوط سكتي الدوغري
ولو زارني شيطان أو جان
ولو زين طريق مغري
ماانا ال كنت من صغري
املي محمله حصاني
حافظ لهمس وصاني
خليك صامد علي سرجي
نصيبي من دعا امي
وكات بدعوه خصاني
يصونك ربنا ويحميك
وبتمتم وترقيني
وعيون القلب حارساني
احارب ف الهوي خيالات
وريح صمم لنقصاني
ولوباعد طريق الحق
مهدت ف الوعر لمدق
مابين خوفي شاقق ميت شق
يوصلني وادوس علي بر
مابين قوسين وآه يا لاء
بعفر ع السطور سكر
وظابط الملح بالمعيار
رضيت بطعم لحروفي
ولاعايل لكرت اصفر
ولا احمر ولا انذار
براود نفسي متردد
مابين خير وبين أشرار
بقيت محتار...وانا محرص
حافظ لسكوني لا اتجرس
ماكام نحله غوت وحله
وتيجي ف سطري وتقرص
وعيار الزمن فالت
مابين خيارين مفيش تالت
يااما اسود يااماابيض
يا اما تمحي لغشاوه
كانت ع العين
لكن. زالت
ليست هناك تعليقات:
إرسال تعليق