مراسل! ٢٢٨
جدي جالي ف المنام.
قالي ايه ياولدي حاصل!
ريحه عطنه. سموم وفتنه.
جايه لفحه زفيرها واصل
بس اسمع كن صبور. الزمن حتما يدور
احنا ف حضن القبور بس حسينكم ياولدي
الوشوش غش وزور.
كام مريد واقفين طابور وكام سؤال ايه الحاصل ؟
احنا عاسينكم ياولدي ليه بترجف ليه المفاصل!
والله يابني نومنا طول. وانتو جايين مش تكاسل
كيف ياولدي انضر ف وشك. معرفش اغشك
كسوفي حل وهل منكم. فين عزيمه البواسل
نخوه غابت ليه وهابت. مين هايبقي لتوبنا غاسل
فين شهامه ودتوها. وقيدها ليه ربطاه سلاسل
والله يابني بقينا جورسه. وقلب حوشنا الاماثل
الرجولة تمنها غالي. مين يناهد. مين يفاصل
ليه خيالكم ياولدي مات. مرمي جثه ف المغاسل
الحمام بياكل ف رمله. والحصا سكن الحواصل
والفضايح ريحتها فايحه . جايه رايحه ع التواصل
موت واهر. دمار وعوهر. وذل مابين الفواصل
ايه ياولدي ايه ال حاصل. دم لغمط طين وسخمط
مركوب وفوق العمه ناصل
ضل بيكم الطريق. بحركم ساكنه الغريق
جمعكم مفهوش فريق. و الله يابني تهت منكم ودب بينكم التكاسل
وسطكم تاه البرئ كله ماسك الوحل كابش.
كله ساكن في الاماكن . مستكين ومفيش لنابش
كله غابش. كله طابش. بس شاطر ف الزعيق
كله شايفه. زاد لهمي بهم ضايفه
مين معصب. مين مغصب. ومين مجعمز
اخره بيمصمص شفايفه
ومين للخذلان يشيع. ومين يذيع
ومين لخيبه.. عامل مراسل
وآه ياولدي م ال حاصل!!!
ليست هناك تعليقات:
إرسال تعليق