شويه حلوين! ٢٢٢
ف حاجه يعيش وياكل عيش
لكن بيصيبه فكر يطيش
يخلي صورته مهزوزه
واهو سارح وبكره زي امبارح
ولا ازازه ولا ازوزه
شويه حلوين
وبينادي يبيع بوظه
وعمه محاوطه لطاقيه
وجلابية من الدمور
شقاها ف النسيج باين
ولفه لعزته بالسور
تشف تحتها صديري
علي سروال قليل زيه
وده زيه . وشويه حلوين
ف كوباية أو تزور الكيس
لوحدك او معاك ابليس
يخمر حتي لو موزه
ودي البوظه. وشويه حلوين
واهو بيلف ع كعابه
وناس قالت بياكل عيش.
و مش عارف .كتير عابه
ف يده حمل م الدنيا
زمانه جاززله بأنيابه
ينادي ع حمله ويحابي
زقاق علي حاره كعابي
ويتحايل وبينادي ياواد بقروش
شويه حلوين.
بيوصفها وبيجمل
وداير الحاره ومكمل
ظريف وثقيل بيتحمل
ولاعنه يهون ويحوش
وشويه حلوين
وبسمه حزينه بين تجاعيد
وبياض جلبيته بيهاتي
وبحروف الشقي ناطقه
راكبها هموم ومش عاتقه
راضي برزقه ال ها يآتي
وحكمه ف رزق متباطئة
وشويه حلوين
دكانه يفتحه ف ناصية
وينقل ناصيه بعديها
و ناس ماشيه لكن آسيا
ياعم اركن
يقول حاضر واتفضل يعديها
وناصية زي ال بعديها
وواد شابط فقير دقه وبيلابط
مفيش تكشيره ع وشة
مفيش اسكت يجيك خابط
بكاه ارشة
ايده فاضيه مفيش قرشة
ومايهون عليه يمشي
ولا يطاوعه كمان مارشة
غير مايراضي ويطبطب
ومنديل الحنان فارشة
كرم ربك ف قلبه يقين
وسبحانه علي عرشة
وحمله لسه بحموله وينده
. خلاص قربنا هانشطب
كان امبارح
فارد عوده وبيحطب
ويجبر خاطره الحلاق
وعم سيد السواق وعم فتوح
في ضهره حمل بيت مفتوح
جواه سره ف بير معين
و لا بينطق ولا بيبوح
وشويه حلوين ويامسهل
ورزقه جايله متمهل
بيتأهل. جبر خاطره وبيشهل.
شويه. حلوين
وعود محني ف وش الهم متصابي
وعمره ماصفر العداد
وداير مرش كعابي
وشويه حلوين
ليست هناك تعليقات:
إرسال تعليق