( قهوه ساده. )٣٦٩
رمموها
واعملوا عمدان سناده
والحقوها
ليه نخلي القهوة ساده
صبو لكل ارض سقف
هات حجر وارمي شقف
زين الحيطان بعرقك
ولبي لو ترابها نادي
ياعم هم .وانتم ياساده
اصل هي مره الحياه
عيشها وملهاش اعاده
رمموها وعلوا الاساس
خلو كل طوبه دهب
وهاتو كل الرمل ماس
اصلها تعز علينا
مش نشيد..بس وخلاص
خلوها ..سكر زياده
هي ارض..وبرضه عرض
هي سنه ..و دين وفرض
اعمل ال عليك تجاهها
قبل نومنا .علي الوساده
اصل مش حبينها ساده
انت مين ...وانت فين
انت صالح ..وانت زين
ادعي يله واقول آمين
اصل ده صلب العباده
ياعم هم .وانتم ياساده
ابني كل جدار ...وشد
وهد كل .جدار... يسد
وان ندهت.. للخطوه...مد
فيه .مخاض قبل. الولاده
خلي الهمه تبقي عاده
يله هات... يدك وشمر
ابني بكره ...ويله عمر
وكل فاسد ..هد.. دمر
هي مش. حبه.. لهواده
احنا مش .عايزنها ساده
ياعم هم....وانتم ياساده
ليست هناك تعليقات:
إرسال تعليق