(..العروسه..)٣٧٨
حديد مصدي
برومه وكلاه
خشب قديم
ونخراه السوسه
وجاب شقيان
والهموم قتلاه
وقال نبني مركب
ونسميها عروسه
لحم الحديد ف الحديد..
وكل الحديد دايب
اسمه حديد بالاسم ..
..جواه خرع.. خايب
لا.له من اسمه نصيب..
.. ولا ليه كمان نايب
شافه الصفيح .بستفه
....اختشي ياعايب
بتعمل ايه انت هنا .
.عامل. حديد بتغش
وراسملنا صلابتك ..
. .وعمال تقول وتوش
وجايب معاك الخشب
.ناخر في قلبه السوس
عايشين معاك ف ضلال ..
متعوس وجاب متعوس
لحم ياعم..دقدق ياعم.
وبهمه لبس لبوص
حوسه ف حوسه
وعمال تحوس
علق كهارب
واكتب ياخارب...
وسمي العروسه
وطفي الفانوس
فردت قلوعها.... والكل طوعها
وقفت شراعها.والريح طاوعها
وفجأه زمجر. وهب باعها
وتطاطي لروس
وزاح الشراع.... وقماشه تايكه
وقطع ارباع. والحسره شايكه
ووقفت تروس
.يدوب مامشيت... امتار سفينتي
غرقت وشرقت. وغرقت مدينتي
وعمال تدوس
وهي ال كانت ابني وبنتي
وكنت معزز. والمهر غالي .
مزين مدينتي
ومحضر شموس
وهي ال كان وبرده ال كنتي
ويدوب فاضلي شبر وسنتي
ولاحد.صد. ولا يد حاشت
في الميه باشت ...
وبنت سته لا تعيش ماعاشت
ونشف وريدها
عايب. وعابها
غرق خشبها ..ف حضن حديدها
واهري غموس
والكل باعها......حتي شراعها
واماني. طاشت
معاها. العروس
نصبو للشراع محكمه... قال وانا....مالي
اسألوا...ال فصل وال اتنصل
ونكر انه كان حايك
جاب الحديد تايك.. وخشبه نخره السوس...
وهوووسسسس......
.
ليست هناك تعليقات:
إرسال تعليق