(المتعالي..وما..جاري )٣٧٤
ولييه عليه تتعالي
اقولك بس وتعالي
عند حق
مانا ال اصلي دلعتك
تاكل انت مالذ وطاب
وانا اغطس ف بلعتك
لكن هاتحس بيه ازاي
تندهلي واقول انا جاي
وتشوفني تسد مناخيرك
وماتسلم
واناجوايا يتألم
وبسلامي كأني صدعتك
وعشان انت سبب عيشي
انا ال رضيت ودلعتك
تكلمني من طرف مناخيرك
ومشاركاني ف كلامك
سجارتك وتكه لولعتك
وكلامك بدخانه
وتقولي ياعم مين باعتك
وليه جي متأخر
وتكلمني ولا معني
واقف وتبص ف ساعتك
ما انا لو كنت قلعتك
وسبتك مره فيها تغرق
وكمان تحتاس ولوعتك
واشوف بقي لمجدعتك
ووريني....
مانا لو قلت وصارحتك
وعرفتك
ان ال فيها ريحتك
وليه علي تتعالي
وفيها كمان بقايا فحتك
وارد واقول..ال...جوايا
وعندي الرد لوقاحتك
ماكله اهومساوي بعضه
لامين انت ولا نعتك
وكنت مشيت ماودعتك
وسلام عليكو ماسمعتك
كنت ساعتها راح تقلع
وبالكرافته... راح تنزل
وتغطس جوه بلاعتك
وعيش .......
.......ياحضره المتعالي
ليست هناك تعليقات:
إرسال تعليق