رسالة من غزة/د طارق النجدى مجلة روائع الشعر والنثر وفرسان الحرف

 رسالة من غزة ...2

ابعت لى شاش ..

ابعت لى قطن..

ابعت لى حضن يضمنى

ابعت لى قبر ..يلمنى

ابعت .. كفن.. 

زاد العفن ..

أرضى..خلاص ..راحت ما فيش 

غير السما 

عمري ما شفت .. شهيد

و مدفون فى السما ..

ابعت .. سما..حبة سحاب 

يمكن يحن عليا ..بشوية مطر

اخوك شريد ...عايش على باب القيامة 

محتاج علامة ..

مسك الشهادة فى جثتى 

ملعون أبوه  بترول وغاز 

خلى الخسيس فتح البوغاز 

والغرب يغرف...و الريح بتجرف

جايه عليك ....اقفل حدودك 

يا حسرتي ..على أُمتي ..

خايف اخوه ..يفتح له بابه 

يستجير...يا بن الأجير. 

مين علمك ...إن الرجولة 

شاش ..و قطن ..و شاحنات 

يا بن الصعايدة..

فين ..الدبابات ..حبة رصاص 

ابعت رجال..أو حتى عيًَل م العيال 

اقفل حدودك ...سايب اخوك 

دمه يسيل ..

غنى يا عين ..يا ليل ...يا نيل 

غنى يا خيبة عمرنا ..

غنى يا حسرة عمرنا ..

مات اللى مات 

فات اللى فات ..

واليهود ..هنا ..وهنا 

وكمان ..هنا 

ابعت لى قبر ..يلم خيبتك 

و أدفن معايا ..هيبتك 

و شرفك ..عزتك 

شرف الرجولة..فى السلاح 

يا تعيش بطل..يا تموت شهيد 

سامحنى ..يا باه 

نسيت كلامك ..

خسارة فيك ..كلمة ف سطوري 

اقفل حدودك ..

بكرة ..يشيلوك

فى كيس زبالة ..راح تندفن 

ابعت لى قبر يلمنى 

ابعت كفن 

طبرق اكتوبر ٢٠٢٣