( ..اعلان...)٣٨٧
وبدون ..فصال ولاجدل
وللبيع لأعلي سعر
ان شالله خرده او للبدل
ولاجمل ولا اقول شعر
سكه وطريق وف العدل
ابدا تاني ومن جديد
وابني الجدار ال انهدل..
وانا هاعمل لها اعلان
ولالساني هايتخدل
يمكن الاقي يوم شاري
هنا أو في اي مكان
رقم واحد
............وعدد واحد
موجود معايا....
كميه من الاخلاص
كيلوهات مفيش انصاص
للبدل بكام بلاص
...من الخسه
او شويه صفات.... فاكسه والرب معين
................رقم ٢
معايا كميه م الطيبه
وكام حبايه لمشاكسه
بقت اكتر من اللازم
بتصدمني.... وتألمني
.و.بتحسسني بالوكسه
وبقت للعرض ف باتا
.................رقم ٣
وشويه رجوله وشهامه
كنت شايلهم ليوم عوزه
وخلاص قلت القيمه
وماتساوى حجر جوزه
وخلاص ملهمش
ميت لازمه..
وراح القطن..و.اللوزه
تيجي تعوزهم
تلاقي .السكه.مسدوده...ولاشايفه ولا حاسه
وكل الريح جايه معاكسه
وبقت باربعه
...................رقم ٤
كان ابويا سايبلي من ورثه
شنطه .جريت ملهوف...وبشوقه.
وقولت ده حلم ونبوءه.
. جريت انا اشوفها
لقيتها حاويه لمرؤه
انا اتخضيت....ول ابويا دعيت
و معلش يابويا راح ابيعها
واديني بصيت عليها بصه....
لكن يابه ...هاودعها
وابدلها بحبه من عيون باكسه
............ورقم ٥..
وف الاعلان
آخر شويه كانو فاضلين م الجدعنه...
وبواقي من شويه للعزه
علي شويه م النكسه
وبدون فصال وبدون جدل
البيع كاش...او للبدل
........والله يعوض
ليست هناك تعليقات:
إرسال تعليق