ماماه كاكاه/د طارق النجدى مجلة روائع الشعر والنثر وفرسان الحرف

 ماماه..كاكاه..نانا ..هُوو

الجيش العربى فين يا هُوه 

واكل .. شارب...  نايم ليه 

فارد نفسه ..يقول لى ليه 

شمال.يمين ..هُب ..هُب 

يسمع احلى أغانى الحب 

انتباه ..اشتباه.. استعد 

يا لله مد ..

طاخ ..طراخ ..الحلو داخ 

الله عليه...استعد ..

طيارات ..دبابات ..غواصات 

دكان لعب ...يا عم عد 

نام يا حلو ...واستعد 

 

البدل ..وجبنا ليك 

مصروف يا حلو ..

دفعنا ليك ..

شيكولاته حلوي  .. جبنا ليك 

فى الشياكة ..ما لك شريك 

مماه...كاكاه..نانا 

اختك أسيرة ..

وامك غفيرة على بابها ..غزة 

بتناديك.

. اصحى يا بنى و استعد 

هيبتك ..و خيبتك ..مستحيل 

مستنى ايه ..

غزة تصرخ ..بتناديك  

طب خد .. حبوب ..

حبة فياجرا ...يمكن يا روحى تفتكر 

و اللا اقول لك ..

موس حلاقة ..ناقصك إيه 

طرحة ..وعباية ..زغرودة حلوة 

جزمة شيك ..

أرمى البيادة ..

شرف البيادة ..بعيد عليك 

ما أنا كنت جندى ..وكمان طبيب

بس يا خسارة الجنيه ...بقى اسمه جندي

و الكل عندي ..ينده عليه ..

ما تجيبشى قطن ولا حتى شاش 

و لا أغنيات ..  مش عايزة حاجة 

ابعت كفن ..و نعش طاير ..

ولا حتى دوشة ..أمسيات 

يمكن تجينى..فى يوم شهيد 

ما بقاش فى ارضي شبر فاضى 

لسه نايم ...

امتى تفوق ..

مماه ..كاكاه ..ناناه..

جيشنا العربى ..ما يتهنى

نشيد مدرسي من تأليف اطفال طبرق 

تحية لصوت الطفل الليبى إلى جيشنا العربى الجميل ..