( ..خيال..)٣٧٢
وسارح انا ع شطك
وشوفت خيالي ف الميه
دي الخلقه
ولا مش هيه
فضلت ابص وامأأ
وقول هو...واتحقق
ومتنكد
وقولت لازم اتأكد
اشوح الاقيه يشوحلي
اطوح يروح مطوحلي
ومبوز و بيتوعد
لما يروحلي
هيي وبعدين
ده قاعد ايده ع الخدين
ولي.. مكشر
ماسك بوصه
وباسنانه بيقشر
بس مش سامعله صوت
وفجأة لقيته رافع يده
بيرمي لحبل ويمده
وعايزني ان انا أشده
بيقولي انا هاغرق
انا هاغطس
هاسيبك وحدك
ومين يقولك
يرحمك الله
لما تكح او تعطس
سايبني بشاور وبندهلك
ده انا منك
ده انا اهلك
ومتأني وعلي مهلك
وها تقدر تمشي من غيري
وفاكر ان هاتسبني
وان مكروه جاني وصابني
يبقي اللوم ع جهلك
طب والله مااندهلك
وهاتاخدني غصب عن عينك
ده حتي الرحمه من دينك
وفاكر اني خلاص هافطس
ودب الارض وارفص
ده انا كنت عامل بغطس
وقولت ازعق واندهلك
لكن انت بتتخلي
ساعتها عرفت ان انت
اد ايه طيب.
وان دل.. يدل
علي جهلك
ليست هناك تعليقات:
إرسال تعليق