(من ديواني المجهول.)٣٧٦
ودووايني جوه شراييني
سامع صوتها
وبتنادي......وبتقولي
حبسني من سنين فاتت
وسطوري كأنها ماتت
وروحي في الزحمه غرقانه
لاسمعها.... ومافرقانه
ولاعدت شمسها ولا فاتت
بقلب وسط حروفها وبعفص
لقيت نفسي كمان غرقان
وشرقت... وبكح... وبرفص
لانا عارف اشيل حرفي ع كتافي
ولا عارف امد ليه يدي..واشده
ولا عارف ارمي الحبل... وامده
افتح طريق للنجاه
قلقي طوفان سده
اطلعه ع الجسر
يقع تاني ودوامه..تحفر وبتهده
ولو طالت ترقع صداغه
تسيب بصمه ع خده
مش هاترجع
و فجأه لقيتها قدامي
بتحذف ف نقط حرفي
تروح ضادي بقيت صادي
راحت غاوي بقت عاوي
في ايه ....حرفي بقي ماله
ازاي اكتبه خاوي.... ابص الاقيه بقي حاوي
وبيطلع نار من بقه
ويمشي بخفه ع المسامير
ومايجيب...دم.....
فقوله طب ربنا سترك
بطل زم.....ياعم اسكت....ياعم اتلم
والله ما ترجع الا اما احبسك تاني
وتبطل تغوي الغم
وتخش....تاني شراييني
سامعني.... عامل مش انت ولا بترد....
وفيه بشخط.....
و فجأه اتخض.....بسرعه ورد
وقالي.....وحياه سيدك المتولي
لكون طوعك....ومهاود
وسامع ليك ولا أعاود
ولاا حيرك.....ولا اخيرك
ولا اناور ولا اراود
وفك بقي قيدي....وانقذني من الغرقه
خلاص بعد ايامي واستحملني
وطول مانا ماشي بتفتش....
وف يد الخلق ......بتنتش
وبلاش بينا يكون فرقه
واحتويني......
ورحمه ابوك ماهي فارقه
!!!!!ايه
ليست هناك تعليقات:
إرسال تعليق