(..وآه..وآه..)٣٨٠
حرمتوا ...ليه العيشه
وف الاحزان ماسكين
لا فرحه يوم ولا بيشه
كله عليه ....سكين
كنا يوم ف الوسط
وبقينا م المساكين
عملين قواي وجبابره
برشام ريفو واسكين
حافظين طريق النكد
والفرح مش سالكين
قطعين علينا البسمه
بالشومه... والسكين
و اللهم ماجعله خير
لو بيتنا يوم ضاحكين
تعبت من التكشيرة
وكرهت وداني أنين
بكت.. عيوني بدمع
وانتم... ولا حسين
هو انتو غير البشر
ولا انت تبقوا مين
ما تراعو فينا ربنا
ماهو احنا بني آدمين
ولا ف نظركم ايه
منكنش م الفاسقين
لا فينا خير ولاتقوي
و انتو ..فينا شكين
قولتم هاتبقي خضره
وقولنا احنا آمين
ازرع قيراط سعاده
فدان تروحو حشين
وحشييييين....!!!
ليست هناك تعليقات:
إرسال تعليق