(..بسيطه..)٣٧١
وكأني بعيد في كتابه
سطور حياتي.....وبذاكر
وبعيد من تاني للكاره
...ومش فاكر
وقولت امشي واتجول
بعيد.... فيها لكام مره
اكررها
واجيب السطر م الاول
ولما أقرأ.. لكام. كلمه
.....اتحول
وراجع نفسي من تاني
هي الضحكه ليه نسياك
وليه للبسمه تتسول
لساك ياواد سارح.
ف بكره وقبله امبارح
وهاتفضل ع كده.مطول
ولا علي بتتماكر
وللدنيا عملي بتذاكر
دي شبعت منك الحسره
محوطاك وحاضنه ومحاصره
وايامك شبه واحد
تقولش انها بصره
طب انساها
ليه فاكرها وبتفول
دمعك ف الجته فارسها.
وانيابه دب غارسها
وأفعاله حابب يمارسها
بينهش فيها ومغول
طب امشي
واقلب الصفحه
لكل ريح كانت لافحه
ياواد ابعد
وشوف حاجه فيها تسعد..
.تخلي الدمع يروح يبعد
و.عيش البسمه لبكره
وافتكرها عم نول
امد يدي.... علي خدي
وعليه اخبط
ما تصحي ياواد .
ليه عاقد الهم ومربط
روحك راحت ولا مهبط....
ياواد مالك ليه مطول
امسك أملك وفيه عبط
بسيطه وسهله بحقيقه
وليه مهول
ليست هناك تعليقات:
إرسال تعليق