(..مشوار..)٣٧٥
والشعر ابيض واحنا ف اللفه
واشناب تخط الخط من يومها
حافظين مكانا مصاحب العفه
وكفوفنا بيضه ومشققه بحنا
والكل مولد واحنا في الزفه
مشواربسيط بين ميلادنا ورحلينا
وتقلنا.. مرات هم وكام آهه
وزاد... المر وطبت .الكفه
والخطوة تاهت وندهه نداهه
كسر شراعي وخربت الدفة
بتغرق مراكبي والموجه شداها
من كتر خوفي بكت العيون رفه
بتروح وترجع وايه ال وداها
لا قادر انده ولاناطقه الشفه
ولا رجلي خطت ولا حد عداها
شفت الكهارب من بعيد ايده
وعيني عليها ولا همني مداها
رايح لموتي ومفيش فايده
مبقتش فارقه زرقا ولا هاشوف حافه
ولا في خيالي اموت ف انهي تراب
اصلي الخراب.....حط علي توبي
يمكن يخف.... شويه لزنوبي
يتقل ميزاني والذنوب خافه
وانا ال ماشي وطلعت من طوقي
وكل شوقي .....آخد م السعاده سفه
يمكن الاقي الحظ يوم مره
يخرج لبره .....نوبه م الجره
وآخد نصيبي م الدنيا وميراثي
ان شا الله يجي ملو حيفان كفه
طب بس يجي وانا ارجع اللفه
لاعايز فرح وسبوع
ولا عايز كمان زفه
.....بس يجي.....
ليست هناك تعليقات:
إرسال تعليق