.(..اصحي..)٣٨٨
اهي صحيت
ومن الغضب زامت
وصحيت
لما البشر نامت
وزعلانه كتير منا
وفي العتمه راحت قامت
وهي بس بتذكر
عشان نصحي ونتفكر
ونستغفر
وندعي لربنا يغفر
ياخلق ياناس ياموهومه
الرعب دب من زومه
وزار غيرك وراح زارهم
وهما ف احلاها نومه
مفيش اومه
مفيش راجعه ولا توبه
مفيش مره واخر نوبه
ياعم اصحي
ياعم قوم
ياعم فوق من الغفله
ده كل لمحه مكتوبه
مفيش فيها ياناس وسطي
ولا مهندس ولا اسطي
وكل الناس سواسية
وكل الخلق منبسطه
ومتساوي
الكلاف مع الخيال
والفاعل وال كان ناوي
والباشا مع العتال
وكله ماشيها وخطاوي
وابو حماره وابو معزه
وال كان..ف يوم جمال
يارب احمينا من زلزال
وهون علينا. م. الأثقال
ومن كل شر ومخبي
وخففنا من الاحمال
ومين غيرك هايرحمنا
والطف بينا م الاهوال
بنادي يارب وبلبي
حبيبي حبيبي ياربي
ليست هناك تعليقات:
إرسال تعليق