(مفيش الوان تانيه.؟!!!)٣٨٤
اناف ليلي شايف ..كوابيس
و لون واحد .وبس غطيس
اوي غامق ولونه اسود
وبكره كفناه ف الكيس
وراح ولد ف حضن عريس
وخلص الأبيض وباقي اسود
وشاشتي حتي لونها فطيس
ابيض والغالب اسود
ودم وهم وقتل ودمار
ودخان الغل لونه اسود
ورحمه مفيش
..وايامي لون الورنيش
ويومي لون النعال اسود
وهوانا بقي تايهه مابيفرق
مابين ازرق... وبين اسود
ملازمني .... وعازمني
و اللقمه لو عسل.. اسود
حزينه النخله وماطرحت
ومافرحت
وطرحت حتي البلح اسود
وحتي الطارحه... مافرحه
ولونها ف الغالب اسود
ونبوتي ف ايد واحد
مكشرلي و لابس اسود
اخد تاكسي ياخد عاكسي
وراح ابيض وفاضل اسود
غريق وفي وسط امواجك
وجماجم و العلم اسود
ونمروده ماشيه ع الموضه
بقي اصفر وكان اسود
وعيون البنت اخضرت
وكانت لسه امبارح اسود
واسرارنا وليها صندوق
ومن صدقه بقي الأسود
واعلامنا فيها احمر
وزاد احمر. معاه اسود
وندابه جايه تعدد...وبتجدد
... مابين اسود وبين اسود
وفي الهم انا فايز
ومتكرم و بجوايز
واخدت م الحزام لاسود
وقالولي ده قلبه دهب
فرحت..وغنيت با لمواويل
ورحت اجري.وجاهز .اشيل
لقيته برميل
وقالولي .ده الدهب لسود
وكداب وبان ع وشه...
ولون واحد ومن غشه
لقيته.. من الخداع اسود
وم الخضه لقيت شعري
بقي فضه.
.ونسيت انه.كان ف يوم
اسود
ليست هناك تعليقات:
إرسال تعليق