(..خرنؤس..!!) ٣٨٢
وكان فيه ديب يظهر ويغيب
ويجي يدب بتقليعه
حويط مكار ف تكوينه
وده حاله ودي طبيعه
ومره يبقي مستعجل وبسرعه يبص ف الساعه
ومره يبقي هايدخن ومحتاج بس ولاعه
ومره يعمل شيخ ويدروش ويعمل صوت
وهو ال عاشق لكل نواح حابب اوي للموت
وهب يولع لحريقه تقول غاوي وليه طريقه
وفجريه وينده تووت
الحقوني اخوكم بيموت...تعدي تفوت
عقده المهم طلعها بعد ماعراها وقلعها.
وهو حي ..جري بيده يسد الضي
غاوي يزيف الحقيقه غاوي يبلي ناس بريئه
مجمعين عايشين ف سلام حاويهم حي...
.سمعوا الديب بيعوي توووت
ورايا والكل جي
اطلعوا م العتمه ونسج خيوط
واتعلقوا طلعت خيوط للعنكبوت
لا سمعوا وهو بيزمر ولا هو بينفخ. توت
متخفي .لابس زعبوط ...
ومتغمي بنضاره.مش.شايف بكره
ولا. شايف ...امس والكل ساكت وبس همس
.مفيش صعود كله هبوط
ووسط اللمه والزيطه..
....يتهد السقف والحيطه
ومين واقف....ومين متخبي ف العتمه
ومين كيفه يشوف لطمه.
ومين روحه راح تسعد
وده مشتاق ياخد قطمه..
ومش موجود...لامسعد.ولا ده اسعد
.ومواصل.. لاهدنه فيها. ولافاصل...
.. وعلاوله ....ومين اول ومين اولي
ماهي مقاوله.....هنا بيشط.. وهناك بيشط
ماسك ..نبوت وراسم..خط
والمركب وقفه ف المالح من امبارح.
.واهي باشت ...لا شالت ناس ولا عاشت..
..بتطوح. واهي موجه وكام هوجه
...وديما تعلي العوجه
والكل راح وبقي مروح...
وال عايش اتغفل...اتسوح
..والديب في الخن بيولع
لناس تانيا وعمرهم م الحياه ثانيه
عشان هو يعيش مبسوط.....ماهو النبوت خطف عقله.....والله بصير
وخده هناااااااك .....وهيأله
ان كل دول صراصير
ليست هناك تعليقات:
إرسال تعليق