(..قيس..)٣٨٣
لما تشوفيه
ابقي قوليله انك بعتي بالرخيص
وقوليله انك مسكتي ف الصفيح
وال ضاع. ....هو ال باع
شاري معدن وباع نفيس
وعارفيه ان حبك وهو لسه بيتولد
اتولد ميت فطيس
عرفيه انك كنت تايهه
وال قابلته في حياتك كان مغيث
ساعتها جيتي وكان دموعك
نزله م العيون هويس
طب هو عارف
ان كنتي... ماسبتي مرسي
اي مرسي
كان جدع... او كان خسيس
وكل ساعه
كنتي بتحلمي انك عروسه
واي مرسي يكون عريس
طب كنتي قولي كنت ضهرك
كنت بحرك كنت نهرك
كنت ليك سند وليث
وان.كنت تشكي ان الكل ديب
والكل طفل مشتاق حليب
واني كنت للوحده ونيس
وكنت واخد دور فتي اول
وكان دورك ببراعه خسيس
وف كدبك كنت واضحه
مداري خيبتك القميص
وكل كدبه.. ليك حبكها
كنت لاضم حروف القصه وشبكها
وكنت بتخاطر ...حريص
كنت اشوفك كل ساعه
قول كل يوم
وخيالي كان مآنسك...
وحده الانيس
كان كلامنا ليل نهار
ولما يطول الانتظار
يبقي يومك يوم تعيس
كل خسه ف البشر
طمعت فيها
وحصري ليها كنت الوريث
تاهت المعالم من عيونك
ولا عاد بيفرق
كان عسل او كان دريس
بس امانه عرفيه
انك انت .....كنتي ليلي
وكنت. انا.. المدعو...قيس
ليست هناك تعليقات:
إرسال تعليق