أعاصير!!! ١٨٩
بَس ليه بداري وشَّك؟
ليه بتعلن في حروبك؟
صَفحتك مليانة دَشك
والدليل دايماً هروبك
الكلام بيروح وييجي
طعمه حنضل قلب ريقي
كِدبة باين جوه طعمه
كِدب ومزوّق حقيقي
قِشتي زادت في عشك
بسمتي زانت لـ وشك
قل عسلك جنب مشك
زاد وخلى الطعم مُر
بس أقولك: أنت حر
جَي منك شرد حُر
كل طيف منك يجيني
عمره مرة ما جاب لي بر
شيل قناع المكر شيله
كام حصان سبقه صهيله؟
والجواب عنوانه إنك..
إن غدرك زاد في كيله
إيدي كانت ماسكاك تخطي
نسمتك كانت ساكنة شطي
كنت أنا كاتبك بخطي
وكانت ليالي معاك طويلة
كنت زارع ألف نخلة
قلب صحرا وأرض بور
هل ريح جه شال وإخلا
وغدره لف الواحة سور
بدل البسمة بنسمة
للأسف!
كانت شايلة زور
ليست هناك تعليقات:
إرسال تعليق