قول ياعم! ١٨٢
طال غيابه
.والكلام لسه مامتش
قالي جي ومش هاغيب
بس لما راح ماعدش
ليه بناجي!
قالي هاجي!
ولا قوله كله هتش؟
قالي دور هاتلاقيني
بس انت أروي طيني
وامحي عني اي رتش
ف حروفك احي ديني
وانت راح تسمع رطيني
نبضي يزعق من وتيني
ليك مجمل حط تاتش
مش هاموت وعمري طايل
مهما كنت لحمل شايل
كل قايل زرت سطره
وكنت وتره ضد بطش
كام قلم ذاكر حروفي
وكل سطر قال لشوفي
مش ها تعجز يوم كفوفي
لو راحت ولا ماجتش
هاتلاقيني حصان ومهرك
عز ضلمه. ابقي ضهرك
كام قنا والخير ف نهرك
ولما تنده اجيك بسرعه
سابقه سرعه الاباتش
بس فكر ماتعيلش هم
هاتلاقيني واد ووجن
عندي دم ومش اصم
بس انت قول وسمي
هاتلاقي كفي ف كفك
ودراعين واحد ف كم
يلا اكتب . بس يلا
وقول ياعم!
ليست هناك تعليقات:
إرسال تعليق