طيش!!! ١٨٣
على محطتك..
مش هتلاقيني
ولا هاترجى تحن سنيني
ولا متشوق..
تيجي.. تعوق.. أو ماتجيش
موجود عندي تساوي مفيش
سيبك مني
منك . اتعودت الطيش
متعود من طيري يرفرف
وبهفهفته.. ما يعليش
بس كل ألم بيعلّم
جوه قلوب اختارت الصمت
أبلغ من إنها تتكلم
بعد ما غدرك جه وبصمت
خلي دموعي في حسرة وكمر
حزن معتق وصبح خمر
صبحت آهه محل الزمر
وصلت للحلقوم بشويش
عايز تمشي؟ طب ما تروح!!!
ألف بنانة فوق في سطوح
لِمّي الشارد.. لِمّي الوارد
لِمّي لناسي .علي كام عاصي
ضل طريقه..
عاب ف حريره ومال للخيش
أدمن كل ال بوم ونعيقه
تاه النجم وضل طريقه
حب لعلقم. مرر. ريقه
حتى لقلبه ليه ما وليش؟
بس بقولك خوض.. واتعلم
أحسب واكتب صفحة وعلّم
قبل ما تحكي أو تتكلم
فين هتلاقي الندي والساقي؟
قبل ما كان ينبتلك ريش!
ويوم ما تجيني..
مش هاتشوفني ولا تلاقيني
روح لهناك هاتشوف وتقابل
غدر محضر ليك ميت جيش
كوم لطمات تلاقيها ف مقابل
وكف ف كفه بس لطيش
تحاول تمشي..
يصدر حكمه عليك ماتنامشي
يمطر دمعك فيه ماتعومشي
وتندب حظك!
بعت لونسك !
بعت لهمس ف وحده مآنسك!
روحت شردت اختارت الطيش
طيرت خلاص!!!
بس يا رب إن شاء الله تعيش!!!
ليست هناك تعليقات:
إرسال تعليق