عصاري! ١٨٧
تحت التوته. كات حدوته
و كان يسترها. ورق التوت
كات بتخاف. لاهواها يشمه
لفه عمه. او نبوت
حابه الوقت. يدوب ف عصاري
تروي لشوق قلقان بيموت
والحدوته مابينهم حاسه
كات بتحس مشاعر جاسه
زاد ف هواه. اوعلي الصوت
حاطه عيار للحيا. موجود
راسمه خطوطه وعامله حدود.
تبقي يدوب تلقيمه حب
المقدار بيكون مضبوط
شاهده فروع شجرتها لقولهم
ومتبته علي قول مربوط.
الواد جد والنيه ف كوشه
ماشي الحال والحال مبسوط
والحدوته ليها بدايه
تيجي نهايتها بكلمه توت
تحكي سطورها
تفصح تعلن يوم مستورها
وعمر مايبقي القول موروط
عايشه التوته تشوف حواديت
شاهده كلام. والقول مشروط
تفرح أوي لو يوم راح تسمع
هاتبقي نصيبي وليا شروط
تجري تبارك كمان بتهني
تجري وترفع بالزغروط
وبتتحزم وممكن ترقص
لما بتسمع قول مظبوط
تجري وتنده كل فروعها
تيجي تهنى و ترمي نقوط
تمشي سميحه. تيجي مديحه
تنسج فرحه. بدايتها خيوط
ولساها باقيه. ومستنيه
فارده فروعها ومتحنيه
ع الزراعيه. شجره توت
ليست هناك تعليقات:
إرسال تعليق