هي كلمه!!! ١٨٤
انا قد وعدي. ياساكنه الوتين
وحالف بجبلك. وزيتون وتين
تعدي تروحي. تمر السنين
تضمي.تأمي. وانا اقول امين
عليك ياسمره. بقلق بخاف
يارب تعدي. لكل العجاف
تندي سنينك. بفرح وسعاده
واكتب حبيبتي. بكل الوصاف
تسلم كفوفنا. ورباطنا متين
تنادي نعدي. البحور والمحيط
نفادي.ونهادي. ونخطي لحيط
ومزيكتنا تبقي. لعدانا صويت
ويقطم ويلطم. يبرطم رطين
بس انت شاوري. ودون الكلام
تصحي لمارد. و فارد وزام
يمد ويهد. لعروش الضباع
وكل ال هوب. وكل ال حام
وناوري وشاوري تلاقي الآتين
وقولي لكلمه. ومش كلمتين
تلاقي ولادك جيوش م الوحوش
ولاحد يقدر غضبهم يحوش
بروحهم تفادي لشمس وحدود
ياقمره ياسمره ياكل الوجود
يا ساكنه اوذيني وكل البطين
انا قد وعدي. ياساكنه الوتين
ليست هناك تعليقات:
إرسال تعليق