خايلة!!! ١٨٥
ورايات
والجمال شايله
كتير زحمة وبقت خايلة
هنا حمرا.. هنا صفرا
هنا خضرا.. هنا سمرا
هنا عدلة وهناك مايلة
هناك كام عين ولمحاهم
هنا غضبان
هناك زعقه قالت هايلة
مفيش نية ومفهومة
مفيش إفصاح وفي محايلة
وإيه تقصد! وإيه عارف!
وإيه ممكن تكون شايف!
تكون إيدك كبشة الحل؟
تكون إيدك يا واد طايلة!
ما تقول! أو حتى وشوشني
خلاص ضاقت بقت زايلة
سامع قولك لمصلحتك
لا شايلة الهم ولا عايلة
مفيش راية ومنصوبة
وعلى حيلها ومصلوبة
حروف واقعة
إيدين ساقعة
وعايشة عمرها طوبة
وكام زاعق وكام ناعق
بكدب في قولة معطوبة
وحرفة والزعيق طرفة
تجارة ومهنة سبوبة
بترجع بالخطاوي للخلف
وتمحي لكلمة مكتوبة
وتستنى هاتكتب إيه
وطول الراية وإيه لونها
ولا تقدر في السطور تفصح
عن دنيتها ولا كونها
حبيسة الأماني في أقفاص
بقت منتقبة مضمونها
واتباعت الرايات برخيص
ومين يحميها ويصونها
مفيش كف مصادق لكفوف
وكام مبصر لكن مكفوف
ذليل الكف والحيله
ما سماها وماعـٓنونها
ليست هناك تعليقات:
إرسال تعليق