مش هعمل خدي مداس وأنداس
ولا هاجي علي روحي
أنا ناوي خلاص أنسي الإخلاص
وأداوي فــِ جروحي
كنت بعامل الناس بالطيبه
وطلعِـت عيبه
والطيب ف الدنيا بيطلع
حاجه غريبه
إتعلمت الدرس وناوي
أعمل فيكي يا دنيا بلاوي
هجرح كل اللي بيجرحني
وادوس علي جرحه ولا يوم أداوي
هضحك ف الوش وهتبسّـم
لازم اغش ولازم ارسم
أصل الدنيا دي بقيت غابه
والقوي فيها هو اللي يقسّـم
والطيب كده والغلبان
بيعيش كل حياته متهان
كله بييجي عليه ويحط
وكأن ده مش إنسان
أنا هبقى الحوت الاكبر
ف الدنيا ولازم أسيطر
واللي هيترجاني فــ يوم
هدوس عليه اكتر واكتر
مش هرحم ايها مخلوق
زي ما دوقت الذل يدوق
والعالي راح ينزل تحتي
وانا اللي هبقى لوحدي انا فوق
كنت بعامل الناس بالطيبه
وطلعِـت عيبه
والطيب ف الدنيا بيطلع
حاجه غريبه
إتعلمت الدرس وناوي
أعمل فيكي يا دنيا بلاوي
هجرح كل اللي بيجرحني
وادوس علي جرحه ولا يوم أداوي
كلمات الشاعر الغنائي / محمد مصطفي
ليست هناك تعليقات:
إرسال تعليق