مجعراتي!!! ٩٥
النعير زاد. عارف صحابه
والنفاق احتار. م ال صابه
صبح مطيه. وصار خطيه
ومين ينعر. ومين يجعر
ومين وسطهم تم احتسابه
النعير زعلان وباكي
للنفاق راح يجري شاكي
بقينا موسخه. وصبحنا نسخه
لكل كداب. وبينا حاكي
احنا راح نعمل نقابه
للمنعرين!!!
وراح نفرض شروطنا
وهو مين!!!
وراح نعمله كشف هيئه ...
وكشف انه اخلاقه سايئه
واهل بيته ليه ماطايقه
وانه وارث للكوارث .
وياما سقف وقال امين
وبعد منها نقبله او نرفضه
يبعت تاني للطلب ويجدده
واحنا نصنف.. ليه ونحدده
منعراتي صف اول
ولا يبقي منافق فرز تاني
يعني مايمسكش لحديده
ويبقي آخر الصفوف
لسه موهبته وليده
اخره سقف ع الكفوف
او يقف ف قلب جوقه
او يدق ع الدفوف
ولو ف يوم اثبت جداره
نبقي نبعتله اشاره
ان خد شاره منعر او منافق...
واه ياريت معاه مرافق
يبقي حايز يبقي لافق
واختبار تلت شهور
بعد ميت كدبه زور
ونقيس لقوه الجاعوره
ونشوف مزيف كام الف صوره
وان طلع عيل فاجوره
نعمله مقياس مهاره
ازاي يخلي الأمين حرامي
قلب سوق سارق حماره
وازي يحرف. وازاي يجرف
وامتي يعرف
ويجيب الوهم بكام اماره
والماضي يخليه مضارع
والجبان يبقي مصارع
ويلمعه يخليه يشرف
ونور يلفه بالف طاره
وان نجح.وثبت انه بارع
نبعتله تاني بالاشاره ......
وبيها يبقي جدير
مختومه بختم الاداره
ومبروك بقيت منافق
وانت ف جوقه النعير
وبما أن احنا الاداره
جيد جدا وبتقدير.
.....ويلا نعر!!!!!!!!!!!!!
ليست هناك تعليقات:
إرسال تعليق