صابر!!! ٩٤
عشقت الوحده من بعدك
وصديقتي صبحت الغربه
ماسك فيا شوقي لبعدك
وصابت ف القلوب حربه
بقيت تايه
بقيت ف انتظار سعدك
تجيني توفي يوم وعدك
ولقيني من ذوي القربي.
مفيش حنيه مركونه
ف.جعبه مصانه مكنونه
براحك ضاق صبح اشبار
كتبت وجفت الاحبار
مفيش منك غير اخبار
تقول انك بعتي رخيص
و تمني بلاش وبعتي فطيس
ومالت الحيطان ف الدار
بقيت عايش ومش عايش
بقي جدار الزمن بايش مليش نايب
وانا العابد وانا التايب
وسهل تقلبي الصفحه
واكون محقوق وانا العايب
خلاص الباقي قليل مني
ومني خلاص صبح شايب
وتوب الستر ال يأتيني
صبح هلاهيل بقي دايب
وخدي منابه كام صفعه
ما تشوفي حبه حنان بايتين
وغرفه حب للمساكين
مفيش للوجع تسكين
انا المسكين
ياجبروتك!!!
مفيش حضن حنان منك
ماعدش براح ف ملكوتك
انا ف حيره وزاد ظني
بقيت شاكك اكون مني
بقيت تايه ف حواريك
غلبت وراح غلب جني
وطال بعدي وزاد بعدك
ومستني والعشم قاتل
وشوق مع دمع ليه فاتل
ان يشملني ف يوم طيفك
لكن كيفيك
نصيبي الحد من سيفك
ونسمه شارده من صيفك
وعلي كيفك. ومش اهابر
لكن والله. انا صابر
ليست هناك تعليقات:
إرسال تعليق