** قطن وشاش **
***************
ماإشتكيناش
مهما زيدتوا .. علينا
قساوة
ماإشتكيناش
فضل القلب ... بجد
شاريكم
ومبيعناش
ياللي عملتوا .. كتير
ويانا
ومزعلناش
ولما سألنا ... بجد
عليكم
عرفنا
إنكو بعتونا قسط
وكاش
بس
خلاص .. مَرة وعَدت
جوه
القلب
دارينا آلامنا ومقولناش
سلمناكوا
قلوبنا
برئية .... عذبتوها
وجرحتوها
وأهي بسببكم
متغطية بقطن وشاش
وليها .. إقامة
في
الإنعاش
يعني
خلاص
مش راح يرجع بينا
تواصل
مهما
كان لقلوبكم ... حاصل
ميشغلناش
وإوعو
تقولوا مكنش عَشمنا
دَا
إِحنَا
تَعبنَا مّعَاكو ... بَلاش
وربنا
أعلم
بينا وبيكم .... قِلة
أصل
مَبِيتسيبوهاش
لسه جرَاح ... القلب
بتنزف
متتعبوناش
يَاما قالولنا عليكوا
زَمان
وإِحنا
بِطيبة القَلب الهَابلة
مَصدّقنَاش
بس
خَلاص وِلَو مَع رُوحنَا
قَعَدنَا
شِوية
هَانقوُل
لِسه نٕصيبنا ... مَجَاش
.......
بقلمي
م.حمدي توفيق
ليست هناك تعليقات:
إرسال تعليق