السبت، 31 مايو 2025

مين انت /الشاعر محمود عفيفى دومه مجلة روائع الشعر والنثر وفرسان الحرف


 مين انت!!! ١٠١


بتوصفني ف خيالك ايه

اكيد مش زي اوصافي

 بتوصفني ان انا مسكر 

وصفي ليك عسل صافي

وقول فيك م الكلام صفحات

وكل القول ماهوش كافي

اقول انك ساكن قلبي

وف وسط الدنيا مقدافي

وعشانك اعدي بحور 

اعاند ريح  ومتعافي 

بروح وافتح لشباكك

واخطف نظره وأتأمل

برجع معبي اشواقك

واكتب صفحه واكمل

بتتخيل ف الهوي صورتي

بترسم نظره ف عيونك

بتتعايق وتتجمل

تتخيل ف الحروف سيرتي 

انا شايفك بعين تانيه

غير كل الدنيا ماشيفاها

خيالك ما يفارق. ثانيه

ليالي كامله بضحاها    

ولا ثانيه تغيب شمسك

ولاحرفك ولا همسك

تدوب الدنيا م لمسك 

حاضر ف كل ايامي

ساكن يومك ساكن امسك

وحدوته وبحكيها

رموشي لعيني تحكيها

تعاتبها تبكيها    

ليوم عدي بدون انسك

ما تقولي انت ايه انت

نادر ف الدنيا لو خمسك

ملكاني الحيره ف وصفك

ملاك ولا انت ايه جنسك

قولي مين!!!

ليست هناك تعليقات:

إرسال تعليق