( الجااااااز. ) ٨٠
ياعم يا بتاع الجاز
فين يا عزيزي راح جازك
راح الزمن وجار عليك
ونسيو الخلق انجازك
وعدي الزمان وفات
وجاز الغاز وماجازك
مع انك كنت يوم مضياف
وكل الصحبه عزازك
كنت الشمس ف الضلمه
كنت انت سبب ف النور
و مصادق لكل الناس
وبالترحاب تقف لطابور
ويابخته ال بيك فازك
وكنت بصراحه ولباقه
معشش جوا كل بيوت
.و انت مصدر الطاقه
متسامح مفيش لشروط
وساكن قلب لمبتنا
ومعمر القلوب بدفاك
وكنت منور الدنيا
ولمبتنا ما يوم تنساك
ولا تقدر تخصامك يوم
ولولحظه تطيق لجفاك
وكنت عايش ف وسطينا
مع لمبه جاز مع رتينه
ومين يقدر انه يستغني
كنت ف الفرح بتطب
تزين للفرح والمغني
تخش قلب اي كلوب
وكل الدنيا تسمعنا
نقيم الفرح ويلا وهوب
وضيك كان مجمعنا
وتسكن قلب كل وابور
ومن.غيرك
لاقهوه ولاشاي هايدور
ولا واجب ولا فرحه
ولا بيتنا يزوره النور
ولا حنه ولا طرحه
وكنت انت ال ف البرواز
وانوارك هناك سارحه
والقوله كانت قولتك
كنت معلم والا ستاذ
ومحفوظ ف التاريخ سيرتك
والناكر يبقي عزفه نشاز
ليك ولكل خلانك
وابور...ستي...وكلوب...امي
والخاله... لمبتنا الجاز
بصراحه!!!.تحياتي..
وقدم الاحترام وانحاز
.................تحياتي
ليست هناك تعليقات:
إرسال تعليق