اعذرني!!! ٩٧
اعذرني وقدر طموحاتي
متغرب وانا قلب حياتي
وبدور ع روحي ف بوحي
ما لاقيني ومسيطر نوحي
اعذرني لو منك بهرب
لسعاني الدنيا ومتكهرب
مستغرب شكلي ومشاكلي
ابعد. ولا ها اقدر اقرب
وبقدم خطوه وبرجعها
محتار بين اشرق او غرب
وبتوه والروح ناسيه طريقي
تسكن لساعات وتروح تقلق
تهرب م نرفزتي و ضيقي
وتزوم وتقول بقي واد يفلق
طب مين ها يطيب لجروحي
و يقدر حالي مع طموحي
اروح ابني واعلي. بكام طوبه
ارمم احوالي المنكوبة
تتهد ف ثواني صروحي
وكأني رمال وسط الصحرا
متونس بخيالي وروحي
احكي للشمس علي حالي
تغرب وتسيبني تروح تمشي
امشيلها هناك واروح ليها
وماتغمض عيني ولا انمشي
وافارق نوم قل زيارته
ولارمش بيقابل رمشي
تشرق ف بعيد عن نواحيا
سيباني مآنس نواحيا
كل حواريا فيها العتمه
عمت. ف مدينتي وضواحيا
املي ف بكره تيجي تعدي
وده أملي وأخري مع شطوحي
وبيدي اروح وارفع رايه
تهدي وماتخطي علي سطوحي
ودفاها يعم يكون معني
ويلبي ندايا ويسمعني
ويعدي و مره مايخذلني
وخيالي يهاود مايبيعني
انا روحت ابص علي اسمي
وعلي كلمه مكتوبه ف سطري
لقيت ان صفحتي بيضه
ولا اسمي فيها ولارسمي
شخبط بقلمي ال مرغرغ
راح كاتب كام حرف مدغدغ
بعد ماحايلته عشان خاطري
و اهي دنيا !!!
ليست هناك تعليقات:
إرسال تعليق