#هُس_سكوت
خلص الكلام ؟
طب هوس سكوت
علي واد فافي وبنت كيوت
علي ذكري وغنوة وشجرة توت
علي ناس عايشين وويلها ويلين
علي ناس بتبيع في دقيقتين
يا زمان غدار قاسي وهلفوت
توت توت
كان حلمك حلم زغنطوط
بس تعيش الفرحة بجد
ولا تسند روحك علي حد
والحلم اهو ضاع
واهو كله ايام وساعات وتفوت
والكل بيجري وبيصارع
توت توت
دراوييش عايشين بلسان مربوط
ماشين الدنيا بالعكس
وسؤال أهبل عن فرخة وبيضة وكتكوت
في ناس تتباهي بمصايبها
غيرها بيتداري في زعبوط
علي ايه يا ابني انت وهو
الكل في لحظة محطته جايه
سايب ومفارق بالموت
طب توت توت
إوعي تقرب إوعي تجرب ولا تفوت
اصل هناك في لمه وعاركه
سنجه ومطاوي ونبوت
ما اهو اصل النفس بجد رخيصة
وبقينا ديابه في دنيا أسود
ودا هم ووشم بقي معلم في وشوش منحوت
توت توت
فرعون متفرعن بالجبروت
وغلابة جنب الحيط ماشيين
يألش يقفش . برا بيضحك جواه مجلوط
ويادوب بيشب و لسه صغار
غلبان متهان متلطش قلمين علي شلوت
خلص الكلام
طب هوس سكوت
بقلم المبدعة داليا يحيى
خلفية موسيقية إعداد مهندس شريف رستم
تسجيل صوتي و إلقاء: هاني أحمد علي
ليست هناك تعليقات:
إرسال تعليق