الأربعاء، 7 مايو 2025

طبطب لنفسك/الشاعر محمود عفيفى دومه مجلة روائع الشعر والنثر وفرسان الحرف


 (  طبطب لنفسك ) ٩٠


وراضي نفسك ...بقلبك و نفسك

وعليها طبطب ...هنن  داديها

واستفتي قلبك... حسسها حبك

وبالهداوه ... ومتعاديها

حاول تشوفها ... لف وطوفها

قدر ظروفها ...انسي ماضيها

وانسي ال فاتك...ف ذكرياتك

وكلمه حلوه ... قولها وراضيها

خليك حليم  ... واصبر معاها

واسمع لحكمه ...ومش ملاكمه

وتكون باديها

عشش عليها... قول غصب عني 

وظروفي اقوي... وغلبني جني

بصدق ساكنك... وبالتمني

راضي وهاديها 

توب الحزانه ... اقلع وارمي 

حارب وعافر ... وخليها سلمي 

وارسم لفرحه....ولحد علمي 

هاترضي وتسعد ... ولاتقاضيها

أمسح لدمعه ... نور لشمعه

اعمل خيال ....اهزم محال

يحلي المجال ... تسكن واديها

عليك لا بأس ... واطرد ليأس

واصبر وأكرر ...لو كان مرر

فرحه بنجاحك ... ماهايضاهيها 

طلع تراثك... ماهو ده ميراثك

وخلي قولك...  من وسط راسك

حرفك يغرد ... ويصبح شاديها

وان قولت قوله ... خليك واعيها

طبطب لنفسك... اوعي تعاديها

وارسم لبسمه... وارضي بقسمه

لو قلب نسمه... هاتها وناديها

وادعي لضحكه... لو مش داعيها

وطبطب لنفسك!!!

راود!!! ... هاديها!!!

ليست هناك تعليقات:

إرسال تعليق