موزاييك!!! ٩٢
ودارت الايام!!!
وبتهرب وداري لروحك
خايف من جهرك من بوحك
ضمد ... طب طبطب لجروحك
وإنساني....بس احفظ صورتي
وافتكر الخوف ال ف غيرتي
وماتنسي... ان انت البادي
انا زارع الورد ف كام وادي
ومقدم كام سبت وعادي
طب شوف ايه حالك ف بعادي
وعصي الدمع!!!
وخسرت لكلمه كانت ونسك
ضيعت لهمسه كانت اونسك
راح تكتب اهه ف صفحاتك
حابب للدمعه ف حياتك
بتكدب حسك زيفته
واللي شوفته.!!!
حزن ع حزنك زاد ضيفته
ومع حالك عن حالك تحكي
تشكي من وحده انت حاويتها
وليالي هاتشتاق حواديتها
وحكايه طويله انت هاويتها
تسهر وتحاكي لنجومك
والغفله وخداك والسكره
وبكره!!!
.......تتمناني الومك!!!
او اصارحك مره …بحقيقه
ع يوم...كنت معاك عيشته
والثانيه.حاسبها مع..دقيقه
نفسك. هاتراجعك وتعاتبك
وتقولك منك انا بريئه
و تحاول يوم ان تلومها
تحاسبك وعيونها جريئة
ويشهد رمشك مع ننك
وتروح و تنادي...
بعيد عنك!!!
راح اقولك كام مره عذرتك
طيبت لخاطرك قدرتك
بس دلوقتي ده قراري
ولونك غالي .....
بس ....هجرتك!!!
ليست هناك تعليقات:
إرسال تعليق