حلم وتاه منى
..............................
ماتسيبك خالص م الماضى
وبلاش نرجعله بكلام
هيبقا كلامنا كلام فاضى
ونعيش من تانى الاوهام
وسكوتى مش معناه راضى
تثبتلك بكره الأيام
اللى بيحصل مش عادى
تركيبة أوزار وآثام
والخصم لما يكون قاضى
وعيونه تغمض وتنام
وصورتى تتهز قصادى
ومبادئك هتبيعها بكام
الظلم بقا هو العادى
والحق هو اللى حرام
كان نفسى أحقق لولادى
حلم من كل الأحلام
راح اسيب الحلم لأحفادى
مبانى اسستها كلام
ياسلام ع النوم النحيادى
ماتسبنى ياعم وروح أنام
*محمد وحيد*
ليست هناك تعليقات:
إرسال تعليق