صعيدي ودمي حامي
وهيبتي ف العمه والجلابيه
وتقل الأسامي
طيبتي فيا متخبيه
بتظهر وقت احترامي
صعيدي ودمي حامي
مهندس ودكتور وعالم
بكل علومي لامم
مانيش حافظ انا فاهم
رئيس ومستشار وقاضي
وكيل وزاره وكيل نيابه ومحامي
صعيدي ودمي حامي
شاعر واديب وامام وخطيب
وصنايعي ومهني كسيب
شويش وغفير وشيخ حاره
عمري ما خدت الدين تجاره
شاهده افعالي مش كلامي
صعيدي ودمي حامي
عَينوني ف الداخليه
والخارجيه والحربيه
والجويه والبحريه
ف كل جهه قياديه
منصب منصبين ليا
وحاربت ف الجهاديه
سلو اكتوبر عليا
أنا ابن البلد ديه
مش ابن بابي ومامي
صعيدي ودمي حامي
عاشرت ف جيشي رجاله
ف وقت الشده سندوني
ما عرفتش عيال برياله
ولا خفت انهم يبوعوني
واديني ببعتلهم سلامي
صعيدي ودمي حامي
كرمي طبع فيا
غدايا وعشايا طبليه
تلم عيلتنا حواليا
ليا رب فوقيا
هو اللي عالم بيا
وعالم بأحوالي
مراتي حوريا ف عنيا
وحلالي وريس مالي
أهلي وعيالي
غيرتي جوايا محفوره
كبرواز لازق ف صوره
علي عرضي وارضي
ومرضاش ينتهكوا قدامي
صعيدي ودمي حامي
للمشاهده فيديو اضغط هنا
حسين_الدسوقي
ليست هناك تعليقات:
إرسال تعليق